EASE (தனியார் வீடமைப்பு) திட்டம், வாழும் சுற்றுப்புறத்தையும் துடிப்புடன் மூப்படைதலையும் ஆதரிப்பதை நோக்கமாகக் கொண்ட ஒரு தேசிய திட்டமான AgeWell SG-க்கு ஆதரவளிக்கிறது.

மூத்த சிங்கப்பூரர்களைக் கொண்டிருக்கும் தகுதிபெறும் குடும்பங்கள், தனியார் சொத்துகளில் மூத்தோருக்கு உகந்த பொருத்துமானங்களை நிறுவுவதற்கு EASE (தனியார் வீடமைப்பு) திட்டம் மானியம் வழங்கும். வீடுகளுக்குள் மூத்தோரின் நடமாட்டத்தையும் பாதுகாப்பையும் மேம்படுத்த இது உதவும்.

தகுதிபெறும் குடும்பங்கள், மூத்தோருக்கு உகந்த தேர்ந்தெடுக்கப்பட்ட பொருத்துமானங்களை நியமிக்கப்பட்ட ஒப்பந்தக்காரர்களிடமிருந்து வாங்குவதற்கான செலவின் 75%-ஐ ஈடுசெய்ய, அதிகபட்சம் $1,200 வரை பற்றுச்சீட்டுகளைப் பெற்றுக்கொள்ளலாம்.

EASE (தனியார் வீடமைப்பு) திட்டம் விண்ணப்பங்கள் கட்டம் கட்டமாக அமல்படுத்தப்படும். முதலில் அதிக வயதுடைய மூத்தோர்களுக்கு முன்னுரிமை வழங்கப்படும் (2026 ஆம் ஆண்டில் மூத்தோரின் வயதை அடிப்படையாகக் கொண்டு).

1 ஏப்ரல் 2026 முதல்: 80 மற்றும் அதற்கு மேற்பட்ட வயதுடைய மூத்தோர் உள்ள குடும்பங்கள், அல்லது தினசரி வாழ்வியல் செயல்பாடுகளில் (ADL)* குறைந்தது ஒன்றுக்காவது உதவி தேவைப்படும் 60 மற்றும் அதற்கு மேற்பட்ட வயதுடைய மூத்தோர் உள்ள குடும்பங்கள்.
1 ஜூலை 2026 முதல்: 70 வயது மற்றும் அதற்கு மேற்பட்ட வயதுடைய மூத்தோர்.
1 அக்டோபர் 2026 முதல்: 65 வயது மற்றும் அதற்கு மேற்பட்ட வயதுடைய மூத்தோர்.

விண்ணப்பிக்க அழைக்கும் கடிதமும் குறுஞ்செய்தியும் (SMS) குடும்பங்களுக்கு அனுப்பப்படும்.

*ADL என்பது ஒருவரின் வசிப்பிடத்தில் செய்துகொள்ளும் தினசரி சுயப் பராமரிப்புச் செயல்பாடுகளைக் குறிக்கிறது.
இதில் கழுவுதல் / குளித்தல், உடை அணிதல், உணவருந்துதல், கழிப்பறைப் பயன்பாடு, நடமாட்டம் மற்றும் இடமாற்றம் ஆகியவை அடங்கும்.

ENHANCEMENT FOR

ACTIVE SENIORS

(EASE)

(PRIVATE HOUSING)

About EASE (Private)

Who Can Apply

How to Apply

Frequently Asked Questions (FAQs)